រៀបចំតុធ្វើការបែបណាដើម្បីបង្កើនផលិតភាពការងារ

Search for Job Here

Go Back

មានដឹងអត់ថា កន្លែងដែលអ្នកអង្គុយធ្វើការ និងបរិយាកាសការងារគឺ មានឥទ្ធិពលដល់លទ្ធផលការងាររបស់អ្នក។ បើតុរបស់អ្នកគ្មានសណ្ដាប់ធ្នាប់របៀបរៀបរយ ការធ្វើការរបស់អ្នកក៏អាចនឹងរញ៉េរញ៉ៃទៅតាមនោះដែរ។ ទាំងនេះជាវិធីដែលអ្នកអាចរៀបចំតុធ្វើការដើម្បីជំរុញឲ្យលទ្ធផលការបានល្អប្រសើរជាងមុន។

១ សម្អាតតុឲ្យបានស្អាតមានរបៀប

ឧស្សាហ៍ជូតសម្អាត Keyboard កុំព្យូទ័រនិងរៀបរបស់របរលើតុឲ្យមានរបៀប។ នោះវាស្ដែងចេញពីភាពស្រស់ស្អាត មានវិន័យ ដែលជំរុញឲ្យអ្នកចង់អង្គុយធ្វើការជាងមុន។

២ បោះចោលរបស់ដែលឥតប្រយោជន៍

មើលលើតុមើល៍ តើមានរបស់អ្វីខ្លះដែលចាំបាច់ត្រូវប្រើជាប្រចាំ ហើយរបស់ណាដែលគរជាគំនរឥតប្រយោជន៍។ រៀបចំទុកដាក់ឲ្យផុតពីលើតុបើវាមិនចាំបាច់ប្រើ ដូច្នេះវាជៀសវាងបាននូវភាពស្មុគលើតុការងាររបស់អ្នក។

៣ រៀបចំអេក្រង់កុំព្យូទ័រ និងក្ដារចុចឲ្យដូចអ្នកស្រមៃចង់ប្រើម្ដងៗ

តើអ្នកចង់ចូលមកឃើញកុំព្យូទ័រ និងក្ដារចុចមានរបៀបរបបបែបម៉េច? បើចង់ឃើញល្អមានរបៀប ស្អាតបាតដូចនៅលើអ៊ីនធឺណិតជាដើម គួររៀបចំបែបនោះ។ ធ្វើដូចនេះ ពេលចូលមកកាន់តុម្ដងៗអ្នកនឹងមានអារម្មណ៍ស្រលាញ់ ចង់ធ្វើការជាងមុន។

៤ ទុកដាក់របស់របរទៅតាមកន្លែង

សម្ភារៈប្រើប្រាស់គឺ គួរមានកន្លែងជាក់លាក់ណាមួយសម្រាប់វា។ បែបនេះមិនត្រឹមតែងាយស្រួលរកពេលចង់ប្រើទេ តែក៏មើលទៀតមានសណ្ដាប់ធ្នាប់ល្អផងដែរ។

៥ តាំងរបស់ដែលមានអត្ថន័យសម្រាប់អ្នក

រូបភាពសមុទ្រពណ៌ខៀវ ធម្មជាតិខៀវស្រងាត់ រូបភាព រូបតាំង ដែលមានអត្ថន័យសម្រាប់អ្នក ពេលអ្នកចូលមកអង្គុយម្ដងៗហាក់ដូចជាផ្សារភ្ជាប់ និងធ្វើឲ្យអ្នកមានអារម្មណ៍ស្រស់ស្រាយ ស្រស់បស់ និងមានគោលបំណងជាក់លាក់ដើម្បីសម្រេចការងារប្រចាំថ្ងៃ។