ចំណុចគ្រោះថ្នាក់បំផុត ដែលអាចឲ្យអ្នកបាត់បង់ឱកាសការងារ
ពេលដាក់ CV រកការងារ បេក្ខជនជាច្រើនបានត្រៀមខ្លួនយ៉ាងល្អ សម្រាប់ពេលសម្ភាសមកដល់។ តែអ្វីដែលអាចឲ្យពួកគេខកចិត្ត នោះគឺសូម្បីតែឱកាសសម្ភាសក៏មិនទទួលបានផង។ ហេតុផលចម្បងមួយគឺ ការបង្ហាញនៅលើអនឡាញ។ ត្រូវចាំថា សម័យ Facebook ឬអនឡាញ វាផ្តល់ភាពងាយស្រួលក្នុងទំនាក់ទំនង និងការបង្ហាញអារម្មណ៍ផ្សេងៗ។ តែការបង្ហាញទាំងនោះ បើប្រើបានល្អគឺបង្កើតជាគុណប្រយោជន៍ តែបើមិនបានល្អ បន្សល់នូវការសោកស្តាយ។
នេះគ្រាន់តែជាចំណុចតូចមួយ តែបង្ហាញពីអ្នកកាន់តែច្បាស់ដល់ក្រុមហ៊ុនដែលអ្នកចង់ដាក់ពាក្យចូលធ្វើការ។ បើអាចកាត់បន្ថយបាន គួរបង្ហាញអារម្មណ៍តិចតួចបំផុត និងបង្ហាញពីភាពវិជ្ជមានក្នុងជីវិតកាន់តែច្រើន បើអាចក៏បង្ហាញពីសមិទ្ធផលការងារពាក់ព័ន្ធនឹងអ្វីដែលអ្នកកំពុងធ្វើគឺ រឹតតែល្អ។ សម័យឌីជីថលនេះ ការកសាងស្លាកយីហោឲ្យខ្លួនឯងនៅលើអនឡាញ គួរជាអ្វីដែលអ្នកត្រូវប្រកាន់ខ្ជាប់មិនគួរមើលរំលងឡើយ។ សំណាងល្អណា៎!
