រឿងគួរជៀសវាងពិភាក្សានៅកន្លែងការងារ
ការប្រាស្រ័យទាក់ទងល្អជាមួយសហការីនៅកន្លែងការងារជារឿងល្អ ហើយការនិយាយអំពីខ្លួនអ្នកខ្លះៗក័ជាការល្អ ព្រោះបង្ហាញពីទំនាក់ទំនងស្អិតល្មួតរវាងគ្នា និងគ្នា។
តែមានរឿងមួយចំនួននៅពេលដែលអ្នកនិយាយហើយ ផ្តល់អវិជ្ជមានច្រើនជាង។
ដូច្នេះ ត្រូវចេះគូសខណ្ឌត្រឹមណាគួរ
ឬមិនគួរនិយាយ។
ខាងក្រោមជារឿងដែលអ្នកមិនគួរឲ្យមិត្តភក្តិនៅកន្លែងការងារដឹងអំពីអ្នក៖
១.
ជំនឿនយោបាយ
ជំនឿ ឬនិន្នាការនយោបាយពាក់ព័ន្ធនឹងអត្តសញ្ញាណរបស់បុគ្គលម្នាក់ៗ ដូច្នេះការនិយាយអំពីជំនឿ
នយោបាយនៅកន្លែងការងារ អាចនឹងបង្កើតជាបញ្ហា។ ការមានគំនិតជំទាស់ទៅនឹងអ្នកណាម្នាក់ជុំវិញរឿង
នយោបាយ នឹងធ្វើឲ្យគេគិតបែបផ្សេងមកលើរូបអ្នក។ ការនិយាយប៉ះពាល់ដល់ជំនឿជាមូលដ្ឋានរបស់អ្នកណា
ម្នាក់ អាចចាត់ទុកជារឿងប្រមាថមើលងាយ។ពេលខ្លះ សូម្បីតែជជែករឿងព្រឹត្តិការណ៍ពិភពលោក
ក្ដៅគគុកមួយ ដោយមិនកាន់ជើងខាងណា ក៏អាចនាំឲ្យកើតបញ្ហាដែរ។ មនុស្សម្នាក់ៗប្រកាន់គោលការណ៍ និងជំនឿខុសៗគ្នា ដូច្នេះបើអ្នកមើលស្រាលគោលការណ៍ ឬជំនឿដែលគេប្រកាន់ខ្ជាប់ នោះទំនាក់ទំនង
អ្នកនិងរូបគេអាចនឹងមានបញ្ហាហើយ។ ដូច្នេះ អ្នកគួរគ្រាន់តែស្ដាប់បានហើយ ដោយកុំបញ្ចេញ
មតិអ្វីដែលនាំឲ្យបញ្ឆេះជម្លោះឲ្យសោះ!
២.
ឲ្យគេដឹងពីប្រាក់ខែរបស់អ្នក
ឪពុកម្ដាយ ប្ដីប្រពន្ធ ឬសាច់ញាតិរបស់អ្នកអាចនឹងចង់ដឹងថា អ្នកបានប្រាក់ខែប៉ុន្មាន ប៉ុន្តែ នៅកន្លែងធ្វើការវិញ ការបញ្ចេញឲ្យគេឯងដឹងអំពីប្រាក់ខែរបស់អ្នក នឹងនាំមកនូវតែភាពអវិជ្ជមានប៉ុណ្ណោះ។ នៅកន្លែងធ្វើការ
ណាក៏ដោយ មិនមានភាពយុត្តិធម៌ដាច់ខាតចំពោះរឿងប្រាក់ខែនេះឡើយ។ ពេលខ្លះ សូម្បីតែមិត្តសម្លាញ់
របស់អ្នក នៅពេលដែលអ្នកប្រាប់គ្នាទៅវិញទៅមកអំពីប្រាក់ខែរៀងៗខ្លួនរួច អារម្មណ៍នៃការរាប់អានរបស់
អ្នកចំពោះគ្នាអាចនឹងលែងដូចដើម។
៣.
បង្ហាញការមិនស្រលាញ់ចូលចិត្តការងារ
ការត្អូញត្អែរពីការងាររបស់អ្នកនឹងនាំឲ្យគេកត់ចំណាំថាអ្នកជាមនុស្សអវិជ្ជមាន មិនមែនជាអ្នកជួយបង្កបង្កើតស្មារតីការងារជាក្រុម ប៉ុន្តែ ជាអ្នកបំផ្លាញទឹកចិត្តក្រុមការងារ។ ប្រធាន ឬមេរបស់អ្នកនឹងកត់សម្គាល់អ្នកណាម្នាក់ ដែលទាញទម្លាក់ទឹកចិត្តបុគ្គលិកនៅកន្លែងធ្វើការ ហើយនឹង
ត្រៀមរកមនុស្សដែលស្រលាញ់ការងារដើម្បីជំនួសរូបអ្នក។
៤.
ប្រាប់គេថា អ្នកគ្មានសមត្ថភាព
នៅកន្លែងការងារណាក៏ដោយ ក៏មានបុគ្គលិកដែលអសមត្ថភាពដែរ ហើយយូរៗទៅ មនុស្សម្នានៅក្នុងក្រុមហ៊ុនគង់តែដឹងទេ។ ដូច្នេះ បើសិនអ្នកគ្មានអំណាចជួយបុគ្គលិកបែបនេះឲ្យកែលម្អ ឬគ្មានអំណាចបញ្ឈប់រូបគេទេ អ៊ីចឹង អ្នកក៏មិនចំណេញអ្វីពីការនិយាយប្រាប់គេឯងថាបុគ្គលិកនោះ
អសមត្ថភាពដែរ។ ការប្រកូកប្រកាសថាអ្នកណាម្នាក់អសមត្ថភាព ក៏មិនជួយឲ្យគេមើលមករូបអ្នកថាជាមនុស្ស
មានសមត្ថភាពដែរ។ ប៉ុន្តែ ផ្ទុយទៅវិញ មិត្តរួមការងារអាចនឹងមានការយល់ឃើញអវិជ្ជមានចំពោះរូបអ្នក
វិញក៏ថាបាន!
៥.
រឿងលើគ្រែ
ទោះក្នុងកាលៈទេសៈបែបណាក៏ដោយ ជៀសវាងដាច់ខាតការនិយាយរឿងក្នុងបន្ទប់ដេករបស់អ្នកឲ្យអ្នកនៅកន្លែងធ្វើការស្ដាប់។ វាអាចនឹងធ្វើឲ្យគេឯងមិនស្រណុកចិត្តនឹងស្ដាប់ ឬអ្នកខ្លះអាចនឹងខឹងអ្នកក៏មាន។
៦.
រឿងរ៉ាវស្នេហាអ្នកដទៃ
នៅកន្លែងធ្វើការ អ្នកគួរជៀសវាងដាច់ខាតការនិយាយអំពីជីវិតផ្លូវភេទ ឬទំនោរផ្លូវភេទរបស់មិត្តរួមការងារ។ គ្មានអ្នកណាម្នាក់សប្បាយចិត្តនឹងស្ដាប់អ្នកនិយាយអំពីជីវិតផ្លូវភេទឯកជនរបស់គេនោះទេ !!! អ្នកអាចគិតអ្វី
ក៏បានចំពោះអ្នកណាម្នាក់ក៏បាន ប៉ុន្តែ ទុកតែក្នុងខួរក្បាលអ្នកបានហើយ ! កុំនិយាយវាអី ព្រោះនឹងនាំមកតែភាពអវិជ្ជមានមកលើរូបអ្នកតែប៉ុណ្ណោះ។
៧.
រឿងមិនល្អខ្លួនឯងពីអតីត
គួរកុំប្រាប់គេឯងនៅកន្លែងធ្វើការដឹងពីអតីតកាលមិនល្អរបស់អ្នកឲ្យសោះ។ វាមិនចំណេញអ្វីទេ ប៉ុន្តែ ផ្ទុយទៅវិញ វានឹងនាំឲ្យគេឯងគិតអវិជ្ជមានមកលើរូបអ្នក។ ដូច្នេះ រឿងអតីតកាលមិនល្អរបស់អ្នក ទុកក្នុងចិត្តអ្នកបានហើយ!!!
៨.
ចង់រកការងារថ្មី
