ប្រភេទបុគ្គលិកដែលជាបំណុលសម្រាប់ក្រុមហ៊ុន
ក្រុមហ៊ុនត្រូវការបុគ្គលិកល្អដើម្បីការរីកចម្រើនជាលក្ខណៈស្ថាប័នបានកាន់តែលឿន និងអាចមានលទ្ធភាពផ្តល់ឲ្យបុគ្គលិកនូវការរីកចម្រើនជាលក្ខណៈបុគ្គលដូចគ្នា។ ផ្ទុយទៅវិញ បុគ្គលិកដែលមិនដែលមានអ្វីប្រសើរផ្តល់ជូនក្រុមហ៊ុន ក្រៅពីរឿងឈឺក្បាលម្តងជាពីរដង អាចប្រឈមនឹងការផុយស្រួលបាត់បង់ការងារខ្ពស់ទៅតាមនោះដែរ។
បុគ្គលិកដែលនៅតែមួយកន្លែង មិនព្រមរៀនអ្វីដែលថ្មី
មិនថាអ្នកធ្វើការក្នុងវិស័យណាទេ គឺតែងតែមានការផ្លាស់ប្តូរជារឿយៗ។
តួនាទីការងាររបស់អ្នកតែងតែមានការផ្លាស់ប្តូរ ហើយក្រុមហ៊ុនរបស់អ្នកអាចនឹងបញ្ចូលបច្ចេកវិទ្យានិងការបណ្តុះបណ្តាលនានា
ដើម្បីតាមឲ្យទាន់នូវតម្រូវការទីផ្សារ។ បុគ្គលិកដែលមិនព្រមទទួលការផ្លាស់ប្តូរគឺបង្ហាញចេញនូវការមិនទទួលយកការរីកចម្រើនដូច្នោះដែរ។ ក្រុមហ៊ុនច្រើនកត់សម្គាល់លើបុគ្គលិកប្រភេទនេះ។
បុគ្គលិកដែលធ្វើការយឺតដូចអណ្តើក
ការធ្វើការយឺតមិនជាអ្វីបើជាការងារដែលថ្មី និងត្រូវការការស្រាវជ្រាវ រៀនសូត្រនោះ។ តែបើការងារដដែល ឬធ្វើយូរខែហើយនៅតែ មិនមានលទ្ធផលល្អប្រសើរ ថែមទាំងប្រើប្រាស់ពេលច្រើនទៀតនោះ នោះក៏បញ្ជាក់ពីភាពមិនរីកចម្រើន ឬផ្តល់ជាផលចំណេញដល់ក្រុមហ៊ុននោះដែរ។
បុគ្គលិកមិនស្គាល់ខ្ពស់ទាប
ដើម្បីឲ្យអ្នកដឹកនាំ
និងបុគ្គលិករួមអាជីពរបស់អ្នកល្អក្នុងក្រសែភ្នែកអ្នកដទៃ ក៏ត្រូវរាប់បញ្ចូលជាជំនាញមួយដែរ។
ការដែលធ្វើអោយអ្នកដឹកនាំរបស់អ្នកមើលទៅល្អក្នុងក្រសែភ្នែកអ្នកដទៃ គឺជាជំនាញទន់ម៉្យាងដែលគ្រប់និយោជក់ទាំងអស់ត្រូវការពីនិយោជិក
ហើយវាក៏ជាការកំណត់នូវការសម្រេចរបស់និយោជក់ថា តើបុគ្គលិកណាដែលគួរទុក និងគួរដកចេញផងដែរ។
បន្ថែមពីលើនេះ
បើអ្នកធ្វើអោយអ្នកដឹកនាំបាក់មុខ ព្រោះតែអ្នកទៅប្រជុំយឺតពេល ឬនិយាយពីភាពអវិជ្ជមានរបស់ក្រុមហ៊ុនទៅកាន់សាធារណជននោះ
អ្នកក៏មិនគួររំពឹងថាថ្នាក់គ្រប់គ្រងនឹងទុកអ្នកដែរ។
បុគ្គលិកដែលពួកកែលេងនយោបាយ
ការងារ និងបញ្ហាថ្មីៗដែលត្រូវដោះស្រាយក្នុងក្រុមហ៊ុនវាច្រើនសមល្មមនឹងឲ្យបុគ្គលិក និងថ្នាក់ដឹកនាំឈឺក្បាលដោះស្រាយរួចទៅហើយ បើបុគ្គលិកនៅបន្ថែមការលេងនយោបាយ ស៊ីអារម្មណ៍ ឬបន្ថែមបន្ទុកទៀតនោះច្បាស់ជាកាន់តែយ៉ាប់យឺន។ ការធ្វើនយោបាយដាក់មិត្តរួមការងារ មិនធ្វើឲ្យអ្នកមើលទៅអស្ចារ្យជាងគេទេ។ បើមេចាប់បានអ្នកប្រាកដជាមានបញ្ហាធំមិនខាន។ ដូច្នេះ គួរជៀសវាងធ្វើជាបុគ្គលិកប្រភេទនេះ។
បុគ្គលិកដែលគ្មានលទ្ធផល
ទំនាក់ទំនង និងមនោសញ្ចេតនា ជាអ្វីដែលអាចឲ្យមេរបស់អ្នក ទុកឪកាសឲ្យពេលធ្វើខុសយូរៗម្តង។ តែបើការងារមិនដែលមានលទ្ធផលល្អប្រសើរ បានន័យថា
អ្នកជាបំណុលរបស់ក្រុមហ៊ុនហើយ។ ត្រូវព្យាយាមកែលំអឲ្យល្អប្រសើរ ពុំនោះទេ អ្នកអាចនឹងត្រូវមេចាត់បញ្ចូលក្នុងក្រុម “ទុកមិនចំណេញ
ដកចេញក៏មិនខាត”
មិនខាន៕
Related Posts
ការសម្ភាសគឺជាសិល្បៈនៃការលក់ដ៏អស្ចារ្យ នោះគឺលក់ខ្លួនឯង។ លក់ខ្លួនឯងត្រង់នេះគឺ សំដៅលើការអន្ទងចិត្ត អ្នកសម្ភាសចាប់អារម្មណ៍ និងជ្រើសយក...
ក្នុងសម័យកាលឌីជីថល ការភ្ជាប់ទំនាក់ទំនងនៅលើអនឡាញតាមរយៈបណ្តាញសង្គមគឺ មានភាបឆាប់រហ័ស និងងាយស្រួល។ ទន្ទឹមនឹងនេះ វាក៏មានផលអវិជ្ជមានដែរ មានន័យថា អ្នកគ្រប់គ...
មនុស្សរីកចម្រើនរហ័ស ច្រើនបង្ហាញចេញនូវគំនិតវិជ្ជមាន និងភាពស្វាហាប់នៅស្ទើរគ្រប់សកម្មភាព។ តែមិនមានន័យថា ពួកគេ មិនដែលជួបរឿងហ្មងសៅ ឬភាពខកចិត្តនោះទេ។ ផ្ទុយទ...
ការរីកចម្រើននៅកន្លែងការងារមិនផ្តោតលើសមត្ថភាពការងារ ឬភាពវៃឆ្លាតទាំងស្រុងនោះទេ។ មួយផ្នែកធំគឺផ្អែកលើទម្លាប់ប្រចាំថ្ងៃ។ ពេលខ្លះអ្នកមានអារម្មណ៍ថា ការងារតិច...
ដើម្បីឲ្យការសម្ភាសចូលបម្រើការងារទទួលបានភាគរយជោគជ័យខ្ពស់ មានចំណុចតូចៗ តែត្រូវធ្វើឲ្យខានតែបានមួយចំនួនដែលអ្នកគួរអនុវត្ត។ បើអាចធ្វើចំណុចទាំងនេះបាន ឪកាសកា...
