បង្កើនទំនុកចិត្តនៅកន្លែងធ្វើការតាមវិធីទាំងនេះ
ទំនុកចិត្តនៅកន្លែងការងារជាអ្វីដែលធ្វើឲ្យអ្នកបង្ហាញនូវភាពលេចធ្លោ
ការចាប់អារម្មណ៍ពីសំណាក់សហសេវិក និងថ្នាក់ដឹកនាំ
ដែលនឹងជួយឲ្យអ្នកទទួលបាននូវការដំឡើងតំណែង
ព្រមជាមួយនឹងឪកាសថ្មីៗ។ មានវិធីមួយចំនួនដែលអ្នកត្រូវប្រកាន់ធ្វើ ដើម្បីកសាងទំនុកចិត្តក្នុងបរិបទការងារ។
ខិតខំសម្រេចការងារជាប្រចាំ
ការគិតបែបវិជ្ជមាន
និងការរៀនទុកចិត្តលើខ្លួនឯង គឺទាមទារពេលវេលាក្នុងការធ្វើវា រហូតក្លាយជាទំលាប់។ ប្រសិនបើអ្នកបន្តប្រាប់ខ្លួនឯងថា
អ្នកមានទំនុកចិត្តហើយយូរៗទៅ វានឹងជួយអ្នកឱ្យមានទំនុកចិត្តច្រើនជាងមុន។ អ្វីដែលលើសពីនេះ
អ្នកដទៃនឹងឃើញការធានាខ្លួនឯងនេះ ហើយពួកគេនឹងជឿលើសមត្ថភាពរបស់អ្នកផងដែរ។
ចេះវាយតម្លៃការងារខ្លួនឯង
ការមើលឃើញភាពប្រសើរឡើងនៅក្នុងការងាររបស់អ្នក
នឹងបង្កើនទំនុកចិត្តរបស់អ្នកទៅលើសមត្ថភាពរបស់អ្នក ហើយវិធីដ៏ល្អមួយក្នុងការទទួលស្គាល់នេះ
គឺការវាយតម្លៃទៅលើការអនុវត្ត/ ការងារ
របស់អ្នក។ ប្រសិនបើអ្នកដឹងពីភាពខ្លាំងរបស់អ្នក អ្នកអាចប្រើប្រាស់វានៅពេលអនាគត ហើយអ្នកក៏អាចពង្រឹងលើភាពទន់ខ្សោយរបស់អ្នកដើម្បីជួយអ្នកឱ្យប្រសើរឡើងក្នុងតួនាទីរបស់អ្នក។
បង្កើនសមត្ថភាពជារឿយៗ
ការរៀនជំនាញថ្មីៗ
អាចជួយអ្នកឱ្យកាន់តែប្រសើរឡើងក្នុងការងាររបស់អ្នក មិនថាអ្នកមានជំនាញទន់ដូចជាការធ្វើការទំនាក់ទំនងជាមួយមិត្តរួមការងារ
ឬក៏ជំនាញដែលទាក់ទងនឹងតួនាទីរបស់អ្នកដូចជាការគ្រប់គ្រងទិន្នន័យជាដើម។ នៅពេលអ្នកធ្វើបានល្អប្រសើរ
អ្នកនឹងមានអារម្មណ៍ជឿជាក់លើសមត្ថភាពរបស់អ្នក និងស្វែងរកវិធីថ្មីដើម្បីធ្វើការ។ តាមរយៈនេះអ្នកគួរតែមានកំហុសតិចជាងមុនដើម្បីធ្វើឱ្យមានកំហុសដូចគ្នាពីរដង
ហើយអាចជំរុញអាជីពរបស់អ្នក។
កំណត់គោលដៅថ្មីជានិច្ច
នៅពេលអ្នករុញខ្លួនអ្នកចេញពីការធ្វើអ្វីដែលស្រួលៗ វាជួយអាចអ្នកឱ្យរៀនពីអ្វីដែលថ្មី។
ជាធម្មតាវាមិនងាយស្រួលទេ ដែលអ្នកចង់ធ្វើអ្វីដែលពិបាកសម្រាប់ខ្លួន ប៉ុន្តែការប្រកួតប្រជែងនឹងខ្លួនឯង
គឺសំខាន់ណាស់សម្រាប់ការរៀនជំនាញថ្មីៗ និងការបង្កើនទំនុកចិត្តលើខ្លួនឯង។
ផ្តោតច្បាស់ ចេះច្បាស់
នៅពេលដែលអ្នកស្គាល់ច្បាស់ពីការងាររបស់អ្នក
អ្នកអាចនិយាយដោយមានទំនុកចិត្តអំពីវា ដូច្នេះត្រូវប្រាកដថាអ្នកមានទិន្នន័យ និងដឹងព័ត៌មានដែលកំពុងកើតឡើងនៅក្នុងកន្លែងការងាររបស់អ្នក។
ដើម្បីធ្វើដូចនេះ ចូររក្សានូវនិន្នាការចុងក្រោយបង្អស់ដោយការស្រាវជ្រាវព័ត៌មាន និងការធ្វើបច្ចុប្បន្នភាពដែលអាចជួយអ្នកឱ្យរកឃើញវិធីថ្មីនៃការធ្វើការផងដែរ។ សួរមិត្តរួមការងារអំពីបទពិសោធន៍របស់ពួកគេដើម្បីជួយអ្នកពង្រីកចំណេះដឹងរបស់អ្នក។
អ្វីដែលសំខាន់ជាងនេះទៀត គឺចូលរួមវគ្គការបណ្ដុះបណ្ដាល និងវគ្គអភិវឌ្ឍន៍ជាប្រចាំ៕
Related Posts
ដើម្បីឲ្យការសម្ភាសចូលបម្រើការងារទទួលបានភាគរយជោគជ័យខ្ពស់ មានចំណុចតូចៗ តែត្រូវធ្វើឲ្យខានតែបានមួយចំនួនដែលអ្នកគួរអនុវត្ត។ បើអាចធ្វើចំណុចទាំងនេះបាន ឪកាសកា...
សម្រាប់អ្នកដែលមានបទពិសោធន៍សម្ភាសច្រើនកន្លែង សំណួរដែលពួកគាត់ទទួលបានពីសម្ភាសមួយទៅសម្ភាសមួយគឺ មិនសូវជាខុសគ្នាច្រើនទេ។ តែសម្ភាស អ្នកទើបសម្ភាសដំបូងៗ វាប្រៀ...
ក្រុមហ៊ុនត្រូវការបុគ្គលិកល្អដើម្បីការរីកចម្រើនជាលក្ខណៈស្ថាប័នបានកាន់តែលឿន និងអាចមានលទ្ធភាពផ្តល់ឲ្យបុគ្គលិកនូវការរីកចម្រើនជាលក្ខណៈបុគ្គលដូចគ្នា។ ផ្ទុយទ...
ក្នុងសម័យកាលឌីជីថល ការភ្ជាប់ទំនាក់ទំនងនៅលើអនឡាញតាមរយៈបណ្តាញសង្គមគឺ មានភាបឆាប់រហ័ស និងងាយស្រួល។ ទន្ទឹមនឹងនេះ វាក៏មានផលអវិជ្ជមានដែរ មានន័យថា អ្នកគ្រប់គ...
ការរីកចម្រើននៅកន្លែងការងារមិនផ្តោតលើសមត្ថភាពការងារ ឬភាពវៃឆ្លាតទាំងស្រុងនោះទេ។ មួយផ្នែកធំគឺផ្អែកលើទម្លាប់ប្រចាំថ្ងៃ។ ពេលខ្លះអ្នកមានអារម្មណ៍ថា ការងារតិច...
