Blog

មនុស្ស​រីកចម្រើន​រហ័ស​ ច្រើន​បង្ហាញ​ចេញ​នូវ​គំនិត​វិជ្ជមាន ​និង​ភាព​ស្វាហាប់​នៅ​ស្ទើរ​គ្រប់​សកម្មភាព។ ​តែ​មិនមាន​ន័យ​ថា ​ពួកគេ​ មិន​ដែល​ជួប​រឿង​ហ្មងសៅ ឬ​ភាព​ខកចិត្ត​នោះទេ។ ​ផ្ទុយ​ទៅ​វិញ​ មាន​រឿង​មួយ​ចំនួន​ដែល​ពួកគេ​ធ្វើ ដែល​កាន់​តែ​ជំរុញ​ឲ្យ​ពួកគេ​ ទៅ​មុខ​បាន​កាន់​លឿន​ជាង​មនុស្ស​ធម្មតា។

បង្កើត​ភាព​រីករាយ​ដោយ​ខ្លួន​ឯង ជាជាង​រំពឹង​ពី​អ្នក​ដទៃ

ប្រសិនបើភាពរីករាយ រឺក៏ការពេញចិត្តរបស់អ្នកកើតឡើងដោយសារតែអ្នកកំពុងតែប្រៀបធៀបខ្លួនអ្នកទៅនឹងអ្នកដ៏ទៃ នោះអ្នកលែងជាម្ចាស់នៃសេចក្តីសុខរបស់អ្នកនោះទេ ។អ្នកត្រូវតែមានភាពរីករាយ និង ពេញចិត្តទៅលើអ្វីដែលអ្នកមាន និង អ្វីដែលអ្នកកំពុងធ្វើ ។ ការពិតទាំងអស់គឺស្ថិតនៅលើខ្លួនអ្នកផ្ទាល់ មិនមែនលើមាត់របស់អ្នកដទៃ ដូច្នេះអ្នកមិនគួរចំនាយពេលទៅគិតពីគំនិតអ្នកដ៏ទៃដែលគិតមកលើអ្នកនោះទេ ។

មិន​រស់ក្នុង​អតីតកាល​ តែ​ចាត់​ទុក​ជា​មេរៀន

ការបរាជ័យធ្វើអោយអ្នកបាត់បង់ទំនុកចិត្តលើខ្លួនឯង ហើយគិតថាខ្លួនឯងនឹងមិនអាចទទួលបានជោគជ័យនាពេលបច្ចុប្បន្ន និង ពេលខាងមុខទៀត ។ ការបរាជ័យទាំងនោះអាចបណ្តាលមកពីការងារទាំងនោះជាការងារដែលមិនងាយស្រួល ហើយមានការប្រថុយប្រថានខ្ពស់ផងដែរ ។ អ្នកមិនគួរមានការបាក់ទឹកចិត្ត និង បញ្ឈប់ការតស៊ូ ខិតខំប្រឹងប្រែងរបស់អ្នកដោយសារតែការបរាជ័យដែលកន្លងទៅរបស់អ្នកឡើយ ។ អ្នកត្រូវតែទាញយកបទពិសោធន៏ពីវា ហើយបង្កើនសមត្ថភាពរបស់អ្នក ដើម្បីភាពជោគជ័យនាពេកអនាគត ។

ដើរ​ចេញ​ពី​មនុស្ស​អវិជ្ជមាន

ជាទូទៅមនុស្សទាំងនោះតែងមានបញ្ហានៅជាប់ខ្លួន ហើយមិនបានស្វែងរកដំណោះស្រាយនោះទេ ពួកគេបែជាបង្កើតកម្មវិធីសប្បាយៗដើម្បីកាត់បន្ថយភាពស្មុកស្មាញរបស់ពួកគេទៅវិញ ។ អ្នកមិនគួរអង្គុយស្តាប់ការត្អូញត្អែររបស់ពួកគេនោះទេ អ្នកអាចនឹងជួយ រឺផ្តល់ជាយោបល់ក្នុងការសោះស្រាយបញ្ហារបស់ពួកគេ ប៉ុន្តែប្រសិនបើពួកគេជាប្រភេទមនុស្សដែលពិបាកក្នុងការផ្តល់យោបល់ អ្នកក៏មិនគួរចំនាយពេលរបស់អ្នកជាមួយពួកគេដែរ​ ។

ចេះ​អត់ឱន និង​លើកលែង

អារម្មណ៏មិនល្អដែលកើតឡើងពីការខឹងគុំគួនអ្នកដ៏ទៃ ពិតជាធ្វើអោយអ្នកតានតឹង និង ស្មុកស្មាញខ្លាំងណាស់ ។ អ្នកគួរតែបំភ្លេច រឿងរ៉ាវដែលមិនល្អទាំងអស់ ដើម្បីកុំអោយអ្នកខាតពេលពេលវេលា និង ធ្វើអោយអ្នកមានអារម្មណ៏មិនល្អទៀតផង ។ វាជាកត្តាមួយដែលធ្វើអោយអ្នកបំពេញការងាររបស់អ្នកមិនសូវបានរលូន និង មានលទ្ធផលល្អនោះទេ ។ ប្រសិនបើអ្នកលះបង់ភាពគុំគួននេះបានវាមិនត្រឹមតែអោយអ្នកមានអារម្មណ៏ល្អនោះទេ ប៉ុន្តែវាក៏ជួយដល់សុខភាពរបស់អ្នកបានផងដែរ៕